القائمة الرئيسية

الصفحات

اسرار مشروع توزيع الشيبسى بتروسكل

مشروع توزيع الشيبسي بتروسكل
هذا الموضوع نتحدث فيه عن تجارة الشيبسى جملة للموزعين أما تجارة الشيبسى جملة الجملة عليك وعلى تاجر كبير تقاسم معه شريحته أو اذهب إلى الشركة وتعاقد معهم وافهم منهم الحوار ماشى ازاى .

موضوع تجارة وتوزيع الشيبسى .

الاسعار ثابته فى الشيبسى ولكن المتغير هو العروض والخصومات اللى الشركة بتنزلها كل فترة ولمتابعة اسعار الشيبسي من موقع البقاله اليوم.

خلينا نتكلم عن توزيع الشيبسى بتروسكل فى الأول

مشروع توزيع الشيبسى هتعرف هامش الربح والاسعار اللى بتشترى بها واللى بتبيع بها .

النوع ========= سعر الشراء == سعر البيع 

  • شيبسى 1 جنيه = 14 == 15
  • سعر شيبسى 2 جـ = 18.75 = 20 ، الآن عليه كيس زياده هديه والسعر 18.5 جنيه للكرتونه .
  • سعر شيبسى 3 جنيه = 29 = 31 ، الآن عليه كيس زياده هديه والسعر 28.5 جنيه للكرتونه .
  • سعر شيبسى 5 جـ = 42.5 = 44 ، ليس عليه خصومات هذه الايام.
  • سعر كرانشى هى نفس اسعار الشيبسى لانهم شركة واحده .

سعر الويندوز والبريك والشيبسى وكرانشى و مينى شيتوس وشيتوس والدريتوز  والحاجات دى مافيهاش لعب ، اللعب فين ؟ 

اللعب فى التايجر والاسناكسات المجهوله اللى مالهاش علامة تجاريه كبيره زى مثلا صعيدى والدلع ديدى ، يعنى ممكن تجيب كرتونة سناكس ب 16 او 17 بدل الويندوز اللى 18.5 يارب تكون وصلت .

سنكمل باقى منتجات الشيبسى والاسناكس بالاسعار الباقيه ان شاء الله فى وقت لاحق فى نفس الموضوع وسنضيف لها بعض اسعار الحلويات اللى هى البسكوتات والنايتى والفيرى والتيتى والحاجات دى بعدين ما انت اكيد مش هتنزل توزع شيبسى بس لازم تحمل معاك حلويات ومكسبها حلو إن شاء الله.

سعر كرتونة كرملة اطلس اليوم بعد الزياده == 145

سعر كرتونة التيتى جمله من الشركه 112 وسيبك من الشركه لأنك هتحتاج على الاقل 50 كرتونة علشان تاخد السعر دا ومن التاجر 113 ولو بتنزلها على بعضها للمحل 115 أو بالعلبة 10 جنيه والكرتونة فيها 12 علبة قيس على كدا باقى الانواع ماعدا الفيرى لانه غالى شوية ينفع يتباع اقل شىء للعلبه 11.

سعر كرتونة اللمبادا جملتها من الشركه 92 وسيبك من الشركه لأنك هتحتاج على الاقل 50 كرتونة علشان تاخد السعر دا اى تاجر 92.5 او 93 كحد اقصى تبيع على 95.

سعر كرتونة الفيرى 2 جنيه من 123 الى 125 جنيه .

كرتونة الهوهوز أو التوينكز سعرها لا يتجاوز 285 تحت اى ظرف بل ممكن تصل الى 283 دا السعر الرسمى انما ممكن تسمع ان فيه حد بيحرق فى المنتج دا ولكن بيحرق فى العلبه مش فى الكرتونة عايزين يجيب رجل زبون المستهلك انه متعود العلبه ب 15 جنيه فى مكان فى مصر يقوم التاجر يقوله ب 14 مثلا .

فى النهايه اعتذر لأن ليست كل المنتجات حاضره فى ذهنى اللى يحتاج اى اسعار لاى منتج ليس متوفر فى الموضوع يتركه فى تعليق وان شاء الله تانى يوم هيكون انضاف للموضوع او فى الرد على تعليقك .

اهم شىء قبل كل حاجه ابحث عن تاجر محترم اشتغل معاه هتعرف ترد له صلاحيه او حاجه خربانه او  سعر يترد عليه فيه مش مجرد بيعتك اشتريتك وانتهى الحوار واى حد يحرق سعر فى حاجه اوعا تروح عليه لانه بيحرق لاسباب انه لما عايز يضحك على الشخص فى منتج تانى او منتجه قرب على صلاحيه او شايل من كرتونة الشيبسى مثلا كيس .